پاکستان نے بھارتی جارحیت کا جواب دیتے ہوئے آج صبح ادھم پور، آدم پور اور پٹھان کوٹ ائیر بیسز سمیت کئی ائیر فیلڈز کو تباہ کر دیا جبکہ بھارتی ریاست مہاراشٹرا کی الیکٹرک کمپنی پر سائبر حملہ کر کے بجلی کا نظام مکمل طور پر جام کر دیا اور ملٹری سیٹیلائٹ کو بھی جام کر دیا۔
اس کے علاوہ بھارتی وزیر اعظم نریندر مودی کی ریاست گجرات میں پاکستانی ڈرونز کئی گھنٹوں تک پرواز کرتے رہے، پاکستان نے بھارت کی بھٹنڈا ائیر فیلڈ کو بھی تباہ کر دیا۔
’بُنْيَانٌ مَّرْصُوْص‘ کا مطلب کیا؟
پاکستان نے بھارتی جارحیت کے خلاف جوابی آپریشن کا نام ’بُنْيَانٌ مَّرْصُوْص‘ رکھا ہے، پاکستان کی جانب سے وقت آپریشن ’بُنۡیَانٌ مَّرْصُوْص‘ کا آغاز نماز فجر کے وقت سے کیا گیا۔
وزیر اطلاعات عطا تارڑ نے بتایا کہ ’بُنْيَانٌ مَّرْصُوْص‘ یعنی (سیسہ پلائی ہوئی دیوار)،سورۃ صف کی یہ آیت ’’اِنَّ اللّٰہَ یُحِبُّ الَّذِیْنَ یُقَاتِلُوْنَ فِیْ سَبِیْلِہٖ صَفًّا کَاَنَّہُمْ بُنْیَانٌ مَّرْصُوْصٌ‘‘ ایک حکم ہے۔
عطا تارڑ نے بتایا کہ آیت میں حکم ہے کہ جب جنگ مسلط ہو جائے تو ایک جُٹ ہو کر دشمن سے بھڑ جاؤ، اللّٰہ ہمارا حامی و ناصر ہوگا۔
پاک فوج کے سربراہ جنرل سید عاصم منیر نے تلاوت کلام کے بعد دعا کی اور پاکستان کے آپریشن ’بُنْيَانٌ مَّرْصُوْص کے تحت بھارت پر میزائل حملے شروع کیے گئے جس کا مطلب ’سیسہ پلائی آہنی دیوار‘ ہے۔
بُنْيَانٌ مَّرْصُوْص یعنی آہنی دیوار سے تشبیہ کی وضاحت
