معروف اداکارہ کنزہ ہاشمی کا کہنا ہے کہ گزرا ہوا سال ان کے لیے خوش آئند رہا اور اب نئے سال کو کامیاب بنانے کے لیے بھرپور محنت اور جذبے سے کام کرنا ہوگا۔
ایک انٹرویو میں انہوں نے کہا کہ نیا سال شروع ہو چکا ہے اور ان کی بھی اس سال سے کئی امیدیں وابستہ ہیں، جیسے پوری قوم کی توقعات ہیں۔ انہوں نے بتایا کہ وہ کچھ نئے منصوبے شروع کرنے کا ارادہ رکھتی ہیں اور ساتھ ہی پرانے پروجیکٹس کو مکمل کرنے پر بھی کام جاری ہے۔
کنزہ ہاشمی نے کہا کہ بطور فنکار ہمیں شوبز انڈسٹری کی ترقی کے لیے اپنی کارکردگی کو بہتر بنانا ہوگا تاکہ ہمارے کام کو زیادہ پذیرائی ملے۔ انہوں نے اعتراف کیا کہ یہ عمل مشکل ضرور لگتا ہے، لیکن وقت کے ساتھ آسان ہوتا جائے گا۔ ان کا کہنا تھا کہ ان کی کوششوں سے دوسروں کو بھی حوصلہ ملے گا، اور وہ بھی اسی جذبے کے ساتھ کام کریں گے۔
انہوں نے امید ظاہر کی کہ نیا سال پاکستان کی شوبز انڈسٹری کے لیے مزید کامیابیاں لے کر آئے گا اور یہ شعبہ نئی بلندیوں کو چھوئے گا۔
