اقوام متحدہ نے نیویارک میں واقع اپنے ہیڈ کوارٹر کے عملے کو شناختی دستاویزات، پاسپورٹ اور ویزے کی کاپیاں ہر وقت ساتھ رکھنے کی ہدایت کی ہے۔
اقوام متحدہ کے قیام کے بعد 80 سالہ تاریخ میں پہلی بار اس قسم کی ہدایات جاری کی گئی ہیں۔
اقوام متحدہ کی جانب سے عملے کو اس قسم کی ہدایات جاری کرنے کا پس منظر امیگریشن حکام کی جانب سے امریکا بھر میں اسکروٹنی بڑھانا ہے۔
کہا گیا ہے کہ امیگریشن حکام نے امریکا بھر میں جگہ جگہ اسکروٹنی بڑھا دی ہے۔ اس کی وجہ سے امریکا میں رہائشی قانونی اجازت نامے رکھنے والے بھی متاثر ہورہے ہیں اور اقوام متحدہ کی نئی ہدایات اسی پس منظر میں دی گئی ہیں۔
