انگلینڈ کے شہر شیفیلڈ میں ہندو انتہا پسندوں نے برٹش پاکستانیوں کے ایک ریسٹورنٹ پر حملہ کر دیا۔ حملہ آوروں نے ریسٹورنٹ میں توڑ پھوڑ کی اور عملے کو ہراساں کیا۔ ریسٹورنٹ کے مالک رحیم اللہ خان نے بتایا کہ حملہ آور بھارتی شہری نشے کی حالت میں تھے اور کھانا کھانے کے بعد یہ الزام عائد کیا کہ بھیڑ کے گوشت میں گائے کا گوشت شامل کیا گیا ہے۔
رحیم اللہ خان کے مطابق، حملے کے دوران ریسٹورنٹ کی شیشے اور دیگر سامان کو نقصان پہنچا۔ ریسٹورنٹ انتظامیہ نے ان افراد کو بتایا کہ مینیو میں بیف شامل نہیں ہے، لیکن نشے میں دھت افراد نے ورکرز پر حملہ کر دیا۔ واقعے کے بعد پولیس نے ملزمان کو گرفتار کر لیا ہے اور برطانوی پولیس شیفیلڈ ریسٹورنٹ میں پیش آنے والے اس واقعے کی مزید تحقیقات کر رہی ہے۔
