لاہور (ویب ڈیسک) – ایک حالیہ طبی تحقیق نے یہ حیرت انگیز نتیجہ پیش کیا ہے کہ شادی شدہ افراد میں ڈپریشن اور انزائٹی جیسے ذہنی مسائل کا سامنا غیر شادی شدہ افراد کی نسبت کم ہوتا ہے۔ اس تحقیق کے مطابق، غیر شادی شدہ افراد میں ڈپریشن کی علامات کا خطرہ شادی شدہ افراد کے مقابلے میں 80 فیصد زیادہ ہوتا ہے۔
یہ تحقیق جرنل نیچر ہیومین بی ہیوئیر میں شائع ہوئی ہے اور اس میں 7 مختلف ممالک سے تعلق رکھنے والے ایک لاکھ سے زائد افراد کے ڈیٹا کا تجزیہ کیا گیا۔ اس مطالعے کے نتائج سے ظاہر ہوتا ہے کہ شادی کے بندھن میں بندھنے سے نہ صرف ذہنی سکون ملتا ہے بلکہ اس سے جسمانی صحت پر بھی مثبت اثرات مرتب ہوتے ہیں۔
اس تحقیق میں 4 سے 18 سال تک کے افراد کی صحت کا جائزہ لیا گیا۔ نتائج سے یہ بات سامنے آئی کہ غیر شادی شدہ افراد میں ڈپریشن کی علامات کا خطرہ شادی شدہ جوڑوں کی نسبت 79 فیصد زیادہ ہوتا ہے۔ اسی طرح، جو جوڑے علیحدہ ہو جاتے ہیں ان میں ڈپریشن کا خطرہ 99 فیصد تک بڑھ جاتا ہے، جبکہ شریک حیات کے انتقال کے بعد یہ خطرہ 64 فیصد تک بڑھ جاتا ہے۔
مزید یہ کہ تحقیق میں یہ بھی پایا گیا کہ غیر شادی شدہ مردوں میں ڈپریشن کا امکان خواتین کی نسبت زیادہ ہوتا ہے۔
محققین کے مطابق شادی شدہ جوڑوں میں ڈپریشن کا خطرہ کم ہونے کی کئی وجوہات ہیں، جیسے کہ ایک دوسرے کو معاشرتی تعاون فراہم کرنا اور ایک دوسرے کی شخصیت پر مثبت اثرات ڈالنا۔ تاہم، انہوں نے یہ بھی کہا کہ اس تحقیق کے نتائج کچھ حد تک محدود ہیں اور اس حوالے سے مزید تحقیقی کام کی ضرورت ہے۔
