امیر جماعت اسلامی منعم ظفر نے بیان میں کہا کہ اسرائیل کی دہشت گردی روزبروز بڑھتی جا رہی ہے، امریکا اسرائیل کو اسلحہ فراہم کررہا ہے۔
منعم ظفر کا کہنا تھا کہ 26 اپریل کو پورے ملک میں شٹر ڈاؤن ہوگا، ہڑتال بے ضمیر حکمرانوں کو جگانے کا ذریعہ ثابت ہوگی، قبلہ اول سے ہمارا روحانی تعلق ہے ایک خاص تعلق ہے۔
امیر جماعت اسلامی نے کہا کہ لوگوں سے اپیل ہے اپنا کاروبار بند رکھیں، اپیل کرتے ہیں اسرائیلی مصنوعات کا بائیکاٹ کریں، سوشل میڈیا کے ذریعے اپنی آواز بلند کریں، سوشل میڈیا انہی لوگوں کا آلہ ہے، ان ہی کے خلاف استعمال کرنا ہے۔
تمام مسلمان فلسطین کے مجرم ہیں
ان کا کہنا تھا کہ کراچی میں مرمتی کام کےنام پر ہفتہ ہفتہ 10 دن تک پانی نہیں آتا ، ٹینکر مافیاشہر میں دندناتا پھر رہاہے، ساڑھے 3ماہ میں 290 افراد ٹریفک حادثات میں جاں بحق ہوچکے ہیں۔
ایم کیو ایم پر تنقید کرتے ہوئے منعم ظفر نے کہا کہ ایم کیو ایم ساری حکومتوں کاحصہ رہی مگرکراچی میں پانی تک نہیں دیا، وفاق میں ان جماعتوں کا گٹھ جوڑ ہے، جنہوں نے کراچی کو یہاں تک پہنچایا۔
کے الیکٹرک کے حوالے سے ان کا کہنا تھا کہ کے الیکٹرک کا فرانزک آڈٹ ہونا چاہیے، کے الیکٹرک مافیاہے اوور بلنگ کے ذریعے ڈاکا ڈالتے ہیں، کے الیکٹرک کو ایس ایس جی سی کے 200ارب ادا کرنے ہیں۔
