پاکستان کرکٹ بورڈ نے اعلامیہ جاری کرتے ہوئے بتایا کہ ویسٹ انڈیز کے خلاف سہ روزہ وارم اپ میچ 10 جنوری سے اسلام آباد کلب میں کھیلا جائے گا، جس کی قیادت اوپنر امام الحق کریں گے۔
ویسٹ انڈیز کا ٹیسٹ اسکواڈ 6 جنوری کو اسلام آباد پہنچے گا، جبکہ پاکستان شاہینز کا اسکواڈ بھی اسی دن اسلام آباد میں جمع ہوگا۔ شاہینز ٹیم 7 جنوری سے اپنی ٹریننگ شروع کرے گی، جب کہ ویسٹ انڈیز کی ٹیم 8 اور 9 جنوری کو ٹریننگ سیشنز کرے گی۔ پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 17 جنوری کو ملتان میں ہوگا، اور دونوں میچز آئی سی سی ورلڈ ٹیسٹ چیمپئن شپ کے تحت ملتان میں کھیلے جائیں گے۔ ٹیسٹ اسکواڈ میں موسیٰ خان بھی شامل ہیں، جنہوں نے اس سیزن میں قائداعظم ٹرافی کے پانچ میچوں میں 38 وکٹیں حاصل کی ہیں۔
میچ پاکستانی وقت کے مطابق صبح ساڑھے 9 بجے شروع ہوگا۔
پاکستان شاہینز اسکواڈ:
امام الحق (کپتان)، احمد بشیر، احمد صفی عبداللہ، علی زریاب، حسیب اللہ، حسین طلعت، کاشف علی، محمد ہریرہ، محمد رمیز جونیئر، محمد سلیمان، موسیٰ خان، عمیر بن یوسف، روحیل نذیر اور سعد خان۔
ویسٹ انڈیز ٹیسٹ اسکواڈ:
کریگ براتھ ویٹ (کپتان)، الیک اتھانازے، کیسی کارٹی، جوشوا دا سلوا، جسٹن گریوز، کیویم ہوج، ٹیون املاچ، امیر جینگو، میکائل لوئس، گڈاکیش موتی، اینڈرسن فلپ، کیمار روچ، جیڈن سیلز، کیون سنکلیئر اور جومل واریکن۔
