علی حسن کی گاوں کی رہائشی خاتون کے ساتھ شادی کرنے کا خواہشمند تھا، خاتون نے اپنے پانچ سالہ بیٹے کی خاطر شادی سے انکار کر دیا ملزم نے پانچ سالہ ضامن کو نہراپرچناب میں پھینک دیا، ملزم گرفتار
گوجرانوالہ (اردو پوائنٹ) – گوجرانوالہ کے علاقے فیروز والا میں ایک دل دہلا دینے والا واقعہ پیش آیا، جہاں ایک ظالم شخص نے خاتون سے شادی کرنے کی خواہش میں اُس کے پانچ سالہ بچے کو نہر میں پھینک دیا۔
تفصیلات کے مطابق، علی حسن نامی ملزم کی گاوں کی رہائشی خاتون کے ساتھ دوستی تھی اور وہ خاتون سے شادی کرنا چاہتا تھا۔ تاہم، خاتون نے اپنے پانچ سالہ بیٹے کی خاطر شادی سے انکار کر دیا۔ اس پر ملزم نے انتقامی کارروائی کرتے ہوئے خاتون کے بیٹے کو نہر اپرچناب میں پھینک دیا۔
واقعے کی اطلاع ملنے کے بعد ریسکیو 1122 کی ٹیموں نے فوراً بچے کی تلاش کے لیے سرچ آپریشن شروع کر دیا ہے، جبکہ پولیس نے ملزم کو حراست میں لے کر تفتیش شروع کر دی ہے۔
خاتون نے اپنے پانچ سالہ بیٹے کے تحفظ کی خاطر شادی سے انکار کر دیا، جس پر ملزم علی حسن نے غصے میں آ کر خاتون کے بیٹے ضامن کو نہر اپرچناب میں پھینک دیا۔ فیروز والا پولیس کو اطلاع ملتے ہی ریسکیو 1122 کی ٹیمیں فوراً موقع پر پہنچ گئیں اور بچے کی تلاش کے لیے سرچ آپریشن شروع کر دیا۔ پولیس نے ملزم علی حسن کو حراست میں لے کر تفتیش کی، تو اس نے اعتراف کیا کہ اس نے بچے کو راستے سے ہٹانے کے لیے نہر میں پھینکا تھا۔
یاد رہے کہ اس سے قبل گاوں سمندر بھیو میں بیٹے نے ماں کو فائرنگ کرکے قتل کردیاتھا۔پولیس کے مطابق افسوسناک واقعہ خرچہ نہ دینے پر پیش آیاتھا۔ ملزم شفن بھیو نے پسٹل سے فائرنگ کرکے ماں کو موت کے گھاٹ اتار دیا تھا۔پولیس کی جانب سے مقتولہ حضوراں کی لاش ڈی ایچ کیو ہسپتال منتقل کردی گئی تھی۔ قبل ازیں تھانہ اقبال ٹاﺅن کے علاقے میں سفاک ملزم نے آٹھویں جماعت کی طالبہ کو شادی کا جھانسہ دے زیادتی کا نشانہ بنا ڈالا تھا۔
ملزم ایک سال تک جنسی درندگی کا نشانہ بنا کر فحش ویڈیو بناتا رہا تھا۔پولیس نے متاثرہ لڑکی کی بہن کی مدعیت میں واقعے کا مقدمہ درج کر لیاتھا۔ ایف آئی آر کے مطابق ملزم درخواست گزار کی بہن کو ایک سال تک جنسی درندگی کا نشانہ بناتا رہا اور برہنہ حالت میں ویڈیوز بھی بنا لیں تھیں۔ملزم سرفراز احمد کو شادی کا کہا تو انکاری ہوگیا اوردھمکیاں دینے لگا کہ ویڈیوز کو سوشل میڈیا پر اپ لوڈ کردوں گا۔ تھانہ اقبال ٹاﺅن پولیس نے مقدمہ درج کر کے تحقیقات شروع کردیں تھیں۔
