لاہور: بھارت میں پاکستانی ٹک ٹاک اسٹار مناہل ملک کی مقبولیت میں حالیہ دنوں غیر معمولی اضافہ دیکھنے میں آیا ہے۔ اس شہرت کی وجہ ان کی ایک متنازع اور نازیبا ویڈیو کا وائرل ہونا بتایا جا رہا ہے۔
گوگل ٹرینڈز کے مطابق، بھارت کی مختلف ریاستوں جیسے اتر پردیش، بہار، چندی گڑھ، مغربی بنگال اور مقبوضہ جموں و کشمیر میں پاکستانی ٹک ٹاک اسٹار مناہل ملک کی ویڈیوز کی تلاش میں نمایاں اضافہ دیکھا گیا ہے۔ ان کی مقبولیت میں یہ اضافہ اس وقت ہوا جب ان کی ایک ویڈیو، جس میں وہ مشہور گانے ماموشی پر رقص کر رہی ہیں، انسٹاگرام پر وائرل ہوئی۔
اس ویڈیو میں مناہل نے آسمانی جینز، بلیک ٹاپ اور بلیک شیڈز پہنے ہوئے ایک منفرد انداز اپنایا، جو بھارتی صارفین کے لیے خاص دلچسپی کا باعث بنا۔ ویڈیو کو اب تک 4.2 ملین سے زائد لائیکس اور کمنٹس موصول ہو چکے ہیں۔
بھارتی صارفین نے گوگل پر “پاکستانی ایچ ڈی ویڈیو” اور “پاکستانی وائرل ایم ایم ایس” جیسی اصطلاحات بھی بڑی تعداد میں سرچ کیں، جس سے یہ ظاہر ہوتا ہے کہ ان کی شہرت نے ڈیجیٹل پلیٹ فارمز پر خاصا اثر ڈالا ہے۔
مناہل ملک کی مقبولیت میں حالیہ اضافے کی ایک بڑی وجہ ان کی اور ان کے مبینہ سابق بوائے فرینڈ کی ایک نجی ویڈیو کا لیک ہونا بتایا جا رہا ہے، جس نے سوشل میڈیا پر کافی ہلچل مچا دی تھی۔ اس ویڈیو کے بارے میں کچھ لوگوں کا کہنا ہے کہ یہ ان کی جانب سے شہرت حاصل کرنے کے لیے ایک پبلسٹی اسٹنٹ تھا، جبکہ دیگر نے اس ویڈیو کو جعلی قرار دیتے ہوئے دعویٰ کیا کہ اسے مصنوعی ذہانت (AI) کی مدد سے تخلیق کیا گیا ہے تاکہ ٹک ٹاکر کو بدنام کیا جا سکے۔
پاکستانی اداکارہ مشی خان نے اس معاملے پر سخت تنقید کرتے ہوئے اسے محض شہرت حاصل کرنے کی کوشش قرار دیا، جس پر انہوں نے مناہل ملک کو شدید تنقید کا نشانہ بنایا۔ اس تنازعے کے بعد مناہل نے انسٹاگرام پر ایک جذباتی پیغام شیئر کیا، جس میں انہوں نے اعلان کیا کہ وہ سوشل میڈیا سے کچھ وقت کے لیے دوری اختیار کر رہی ہیں۔
یہ واقعہ سوشل میڈیا پر پرائیویسی اور آن لائن ہراسمنٹ کے مسائل کے حوالے سے ایک بار پھر توجہ کا مرکز بن گیا ہے۔
