متحدہ عرب امارات نے 20 ممالک کے شہریوں کے لیے اپنے دروازے بند کر دیے ہیں۔ نیوز ویب سائٹ ’پروپاکستانی‘ کے مطابق، یہ پابندی ان افریقی ممالک کے شہریوں پر عائد کی گئی ہے، جن کی بڑی تعداد ویزے کی میعاد ختم ہونے کے باوجود متحدہ عرب امارات میں غیر قانونی طور پر مقیم رہتی ہے اور کام کرتی ہے۔ اس بنیاد پر ان ممالک کے لیے ویزہ جاری کرنے پر پابندی لگائی گئی ہے۔
رپورٹ میں بتایا گیا ہے کہ ان 20 ممالک میں گھانا، سیئرا لیون، سوڈان، کیمرون، نائیجیریا، لائبیریا، برونڈی، جمہوریہ گنی، گیمبیا، توگو، عوامی جمہوریہ کانگو، سینیگال، بنین، آئیووری کوسٹ، کانگو، روانڈا، برکینا فاسو، گنی بساﺅ، کوموروس اور یوگنڈا شامل ہیں۔ یہ اقدام 2021 میں کورونا وائرس کی نئی قسم کے پھیلاؤ کے خدشے کے پیش نظر کیے گئے اقدامات کے تحت اٹھایا گیا تھا، جب ایمریٹس نے 8 افریقی ممالک کے شہریوں پر سفری پابندیاں عائد کی تھیں۔ ان ممالک میں گھانا، یوگنڈا اور کینیا بھی شامل تھے۔
