ریاض: پاکستانی شہری آصف بشیر، جنہوں نے گزشتہ سال 2024 میں منیٰ میں 44 انسانی جانیں بچائیں، کو اعلیٰ پاکستانی اعزاز دینے پر غور کیا جا رہا ہے۔ آصف بشیر کو بھارت کی جانب سے اعلیٰ ترین ایوارڈ ملنے کے بعد یہ تجویز پیش کی گئی۔ اس حوالے سے معاون خصوصی سید طارق فاطمی نے وزارت خارجہ کو ایک خط ارسال کیا ہے۔
ذرائع کے مطابق، وزارت مذہبی امور اور ڈی جی حج کو بھی خط ارسال کیا گیا ہے۔ وزیراعظم شہباز شریف نے اس معاملے کی تفصیلات طلب کرتے ہوئے سفارشات پیش کرنے کی ہدایت کی ہے۔
آصف بشیر نے حج 2024 کے دوران منیٰ میں 44 افراد کی جانیں بچائیں، جن میں 24 بھارتی شہری بھی شامل تھے۔ بھارت کی جانب سے اعزاز دیے جانے کی خبروں کے بعد وزیراعظم نے وزارت خارجہ اور وزارت مذہبی امور سے سفارشات طلب کی ہیں تاکہ آصف بشیر کی خدمات کے اعتراف میں انہیں مناسب اعزاز دیا جا سکے۔
