دنیا کے خاتمہ کب؟ نیوٹن کا سنسنی خیز خط 300 سال بعد منظر عام پر

دنیا کے خاتمے کے حوالے سے بابا وانگا سمیت مختلف حلقوں سے کئی پیشگوئیاں سامنے آتی رہتی ہیں تاہم اس حوالے سے اب ایک نئی پیشگوئی نامور سائنسدان نیوٹن کے 300 برس سے بھی زائد عرصہ قبل لکھے خط میں سامنے آئی ہے۔

غیر ملکی میڈیا کے مطابق نیوٹن کی جانب سے 1704 میں لکھا گیا خط اب 321 برس بعد منظر عام پر آیا ہے جس میں انہوں نے ریاضی کی متعدد کیلکولیشنز کے ذریعہ یہ پیشگوئی کی ہے کہ ہماری یہ دنیا 2060 میں ختم ہو جائے گی۔

رپورٹ میں کہا گیا ہے کہ نیوٹن جو عیسائی مذہب کے پیروکار تھے۔ انہوں نے پروٹیسٹنٹ کے نقطہ نظر سے انجیل میں بیان کی گئی تاریخوں کا حسب لگا کر اکیسویں صدی کے وسط میں دنیا کے خاتمے کی پیشگوئی کی تھی۔