’’پاکستان کی لاٹری لگ گئی ہے، ہر طرف سے پیسے برس رہے ہیں ‘‘ بھارتی صحافی کے وی لاگ نے بھارتیوں کو پریشان کردیا

بھارتی صحافی دنیش ووہرا نے کہا ہے کہ پاکستان کی لاٹری لگ گئی ہےجس کے بارے میں کوئی سوچ بھی نہیں سکتا تھا ، بہت دنوں سے بات چل رہی ہے کہ ورلڈ بینک نے پاکستان کو 10 سال کے لیے 20ارب ڈالر زکا قرضہ دینا تھااور بھارت اس کی مخالفت کر رہا تھا  لیکن اس کے باوجود ورلڈ بینک نے 20ارب ڈالر زکے بجائے 40ارب ڈالر زکا قرضہ دے دیا ، ڈونلڈ ٹرمپ کہتا ہے کہ ڈبل کرکے قرض دو ۔

بھارتی صحافی نے کہا کہ اب بھارت کو سمجھنا چاہیےکہ ساری دنیا پاکستان پر  کیوں قربان ہو  رہی ہے، ورلڈ بینک 20ارب ڈالرز پبلک سیکٹر کو اٹھانے کے لیے اور 20ار ب ڈالر زپرائیویٹ سیکٹر کو اٹھانے کے لیے دے گا، یہ ورلڈ بینک میں کسی بھی ملک کو ملنے والا سب سے بڑا قرض ہے، ڈونلڈ ٹرمپ اس وقت پاکستان پر مکمل قربان ہوچکا ہے اور کہتا ہے کہ پاکستان جتنے پیسے مانگتا ہے اس سے ڈبل پیسے دو۔