پاکستان سپر لیگ (پی ایس ایل) کی فرنچائز ملتان سلطانز نے اپنے ریٹین کیے گئے کھلاڑیوں کی فہرست جاری کر دی ہے، جس میں محمد رضوان، عثمان خان، فیصل اکرم، افتخار احمد، اور اسامہ میر شامل ہیں۔ پی ایس ایل 10 کے لیے ڈرافٹنگ کی تقریب 11 جنوری کو منعقد ہوگی، جبکہ ایونٹ اپریل میں کھیلا جائے گا۔
بین الاقوامی کھلاڑی پی ایس ایل کے لیے اپنی رجسٹریشن مکمل کر رہے ہیں، اور تمام فرنچائزز ریٹین کیے گئے کھلاڑیوں کی فہرستیں جاری کر رہی ہیں۔ اطلاعات کے مطابق، ملتان سلطانز نے پانچ کھلاڑی ریٹین کیے ہیں، جبکہ ڈیوڈ ویلی اور طیب طاہر کے حوالے سے تاحال کوئی فیصلہ نہیں کیا گیا۔
پی ایس ایل 10 کے ڈرافٹ میں لاہور قلندرز کو پہلی پلاٹینیم پِک دی گئی ہے، کراچی کنگز کو دوسری، کوئٹہ گلیڈی ایٹرز کو تیسری، پشاور زلمی کو چوتھی، ملتان سلطانز کو پانچویں، اور اسلام آباد یونائیٹڈ کو چھٹی پِک ملے گی۔
