کسی دبائو میں نہیں آئیں گے، مذاکرات چند اہم وجوہات کی بنا پر شروع کئے، اسد قیصر

 سابق سپیکر قومی اسمبلی اسد قیصر نے کہا ہے کہ ہم کسی دبائو میں نہیں آئیں گے، ہم نے مذاکرات چند اہم وجوہات کی بنا پر شروع کیے۔صوابی میں تعزیتی ریفرنس سے خطاب میں اسد قیصر نے کہا کہ ہم نے سیاسی استحکام لانے کیلئے حکومت کو مذاکرات کا موقع دیا، ہم کسی دبائو میں نہیں آئیں گے۔

انہوں نے کہا کہ ہم نے مذاکرات چند اہم وجوہات کے بنا پر شروع کیے ،اس دوران کوئی بڑا مطالبہ نہیں کیا، حالانکہ ہم کہہ سکتے تھے کہ ہمارا مینڈیٹ واپس کریں۔انہوں نے کہا کہ ہمارا مطالبہ ہے کہ 9مئی اور 26نومبر کے واقعات پر جوڈیشل کمیشن بنایا جائے، ہمارا دوسرا مطالبہ کہ بے گناہ قیدیوں کو رہا کیا جائے۔انہوں نے کہاکہ ہم سنجیدگی سے مذاکرات کو پاکستان کے مفاد میں آگے بڑھانا چاہتے ہیں۔