وزیراعظم شہباز شریف 31 دسمبر کو "اڑان پاکستان” پروگرام کا اعلان کریں گے، جو 2024 سے 2029 تک کا پانچ سالہ قومی اقتصادی منصوبہ ہوگا۔ وزارت منصوبہ بندی کے مطابق اس پروگرام کا مقصد پاکستان کی معیشت کو مستحکم بنانا اور ترقی کے نئے مواقع پیدا کرنا ہے۔
ذرائع کے مطابق، وفاقی حکومت اس پروگرام کے تحت 2029 تک برآمدات کو سالانہ 60 ارب ڈالرز تک بڑھانے کا ارادہ رکھتی ہے، جبکہ سالانہ آئی ٹی گریجویٹس کی تعداد میں بھی قابلِ ذکر اضافہ کیا جائے گا۔ اڑان پاکستان کے ذریعے پاکستان کو 2035 تک ایک ہزار ارب ڈالرز کی معیشت کی بنیاد فراہم کی جائے گی۔
پروگرام کے تحت شرح خواندگی میں اضافہ اور غربت کے خاتمے کی کوششیں کی جائیں گی۔ ذرائع نے بتایا کہ آئی ٹی برآمدات کو پروگرام میں خاص اہمیت دی گئی ہے تاکہ پاکستان کی ٹیکنالوجی کے شعبے کو مزید ترقی دی جا سکے۔
