فحش اداکارہ بونی بلیو کو اتوار کے روز نوٹنگھم فاریسٹ اور چیلسی کے درمیان میچ کے دوران سٹی گراؤنڈ سٹیڈیم سے نکال دیا گیا۔ بونی، جن کا اصل نام ٹیا ایما بِلِنگر ہے، چیلسی کی شرٹ پہنے ہوئے مداحوں کے درمیان موجود تھیں، جب سکیورٹی نے انہیں سٹیڈیم سے باہر نکالا۔
سوشل میڈیا پر سامنے آنے والی ویڈیوز میں دیکھا جا سکتا ہے کہ بونی کو سکیورٹی اہلکار باہر لے جا رہے ہیں، اور جاتے ہوئے وہ مداحوں کی طرف ایک نامناسب اشارہ کرتی ہیں۔ بتایا گیا ہے کہ بونی نے بھیس بدل کر سٹیڈیم میں داخل ہونے کی کوشش کی تھی، انہوں نے وِگ، چشمہ اور بڑا کوٹ پہن کر اپنی شناخت چھپانے کی کوشش کی۔
اس سے قبل بھی بونی کا دعویٰ ہے کہ انہیں سٹیڈیم میں داخلے سے روکا گیا تھا کیونکہ وہ ایک فحش اداکارہ ہیں۔ انہوں نے ایک پوڈکاسٹ میں بتایا کہ وہ سوشل میڈیا پر میچ میں شرکت کا اعلان کر چکی تھیں اور اس کے بعد انہیں سکیورٹی نے اندر جانے سے روک دیا تھا۔
بونی نے حال ہی میں سٹیڈیم کے باہر تصاویر بھی بنوائی تھیں، جن میں وہ مختصر لباس میں نظر آئیں۔ انہوں نے الزام لگایا کہ ان پر پابندی ان کے پیشے کی وجہ سے لگائی گئی، حالانکہ بظاہر اس کا جواز کچھ اور بتایا گیا۔
بونی نے دعویٰ کیا کہ وہ مداحوں کی تفریح کے ذریعے ماحول کو بہتر بنانے کی کوشش کر رہی تھیں، اور ان کا مقصد کھلاڑیوں کی حوصلہ افزائی کرنا تھا۔
