24 سالہ ایوشی راوت نے کیش آن ڈیلیوری آپشن کے ساتھ 100 پیزا آرڈر کیے، ڈیلیوری کیلیے اپنے سابق بوائے فرینڈ یش سنگھوی کے گھر کا پتا درج کروا دیا۔
انوکھا واقعہ اُس وقت میڈیا میں آیا جب ایک تصویر سوشل میڈیا پلیٹ فارمز پر گردش کرنے لگی جس میں ڈیلیوری بوائے گھر کی دہلیز پر 100 پیزا بکس رکھ رہا ہے۔ لڑکی کا یہ عمل سابق بوائے فرینڈ سے انتقام لینا تھا یا کچھ اور اس بارے میں معلومات دستیاب نہیں لیکن سوشل میڈیا پر صارفین طرح طرح کے تبصرے کر رہے ہیں۔
کچھ صارفین نے لڑکی کو اس کی حرکت پر تنقید کا نشانہ بنایا جبکہ بعض نے اسے مارکیٹنگ اسٹنٹ قرار دیا۔ صارفین کے کمنٹ ملاحظہ کیجیے:
اتنے بڑے آرڈر کی ڈیلیوری کیش نہیں ہو سکتی۔
اس کا کوئی مطلب نہیں، اگر لڑکی نے اپنے نمبر سے آرڈر کیا ہے تو لڑکے کو صرف اتنا کہہ دینا چاہیے تھا کہ اس کے نمبر سے آرڈر نہیں آیا، پھر لڑکی مشکل میں پڑ جاتی۔
اس پر زیادہ توجہ نہ دیں کیونکہ آپ خود کو کبھی بھی ایسی صورتحال میں نہیں پائیں گے جہاں آپ کو یہ کرنا پڑ جائے۔
