بھارتی غیرذمہ دارانہ اقدامات کے جواب میں وزیراعظم کی زیر صدارت پاکستان کی قومی سلامتی کمیٹی کا اجلاس آج ہوگا۔
اجلاس میں اعلیٰ سول و عسکری قیادت شرکت کرے گی، اجلاس میں پہلگام فالس فلیگ آپریشن کے بعد داخلی وخارجی صورتحال پرغورکیا جائے گا۔
قومی سلامتی کمیٹی بھارتی غیرذمہ دارانہ اقدامات کا بھی تفصیلی جائزہ لے گی اور بھارت کےعجلت میں کیےن اقابل عمل آبی اقدامات کا جواب دینے کا جائزہ بھی لے گی۔
یاد رہے نائب وزیراعظم اسحاق ڈار نے کہا تھا کہ بھارتی اقدامات میں ناپختگی نظر آتی ہے،بھارت کوترکی بہ ترکی جواب دیا جائے گا۔
ان کا کہنا تھا کہ دلی اپنے مسائل کاملبہ پاکستان پرڈال دیتاہے۔ دہشت گردی کے واقعےکاغصہ اس طرح نکالنا مناسب نہیں، بھارت نےمبینہ دہشت گردی کےواقعے کے کوئی ثبوت نہیں دیا۔
واضح رہے کہ پہلگام میں فالس فلیگ آپریشن کے بعد بھارت نے پاکستان کے ساتھ سندھ طاس معاہدہ معطل کرتے ہوئے اٹاری واہگہ بارڈر بند کرنے کا اعلان کیا تھا۔
