لاہور قلندرز کے آل راؤنڈر ڈیوڈ نے کہا کہ پاک بھارت کشیدگی کے دوران ہمارا بہترین انداز میں خیال رکھا گیا، ہمیں ایئر اسپیس بند ہونے کی فکر تھی لیکن پاکستانی حکام نے اطمینان دلایا اور ہمیشہ کی طرح بہترین سیکیورٹی فراہم کی۔
ڈیوڈ ویزے نے سوشل میڈیا پر جاری بیان میں کہا کہ پاکستان میں کبھی خود کو غیر محفوظ محسوس نہیں کیا، جنگی حالات میں بھی غیرمعمولی صورتحال کا سامنا نہیں کرنا پڑا۔
لاہور قلندرز کے آل راؤنڈر ڈیوڈ ویزے نے پاکستان میں سیکیورٹی کی تعریف میں کہا کہ پاک بھارت کشیدگی کے دوران ہمیں کسی بات سے لاعلم نہیں رکھا گیا تھا۔
واضح رہے کہ پاک بھارت کشیدگی کے دوران پی ایس ایل اور آئی پی ایل کھیلنے والے غیر ملکی کھلاڑی اپنے ملک جاکر سوشل میڈیا پر اس وقت کی کیفیت اور صورتحال بتا رہے ہیں۔
کیوی ویمن ٹیم کی الیسا ہیلی نے تو بھارت کی سکیورٹی کو آڑے ہاتھوں لیا اور خوب تنقید کی اور بتایا کہ انہیں تمام تر صورتحال سے لاعلم رکھا گیا تھا۔
