پاکستان نے جنوبی افریقا کے خلاف تین میچز کی ٹی ٹوئنٹی سیریز کے دوسرے میچ میں ٹاس جیت کر پہلے بیٹنگ کرنے کا فیصلہ کیا۔ سنچورین میں کھیلے جانے والے اس میچ میں پاکستان کے کپتان محمد رضوان نے ٹاس جیت کر بیٹنگ کو ترجیح دی۔ اس میچ کے لیے قومی ٹیم میں ایک تبدیلی کی گئی ہے، جس کے تحت اسپنر سفیان مقیم کی جگہ فاسٹ بولر جہانداد خان کو شامل کیا گیا ہے۔
پاکستان کی ٹیم میں کپتان محمد رضوان، بابر اعظم، صائم ایوب، عثمان خان، طیب طاہر، اور محمد عرفان خان نیازی شامل ہیں۔ اس کے علاوہ عباس آفریدی، شاہین شاہ آفریدی، حارث رؤف، جہانداد خان، اور ابرار احمد بھی دوسرے ٹی ٹوئنٹی کے لیے قومی ٹیم کا حصہ ہیں۔ یاد رہے کہ میزبان جنوبی افریقا کو سیریز میں 1-0 کی برتری حاصل ہے۔
