بینک آف چائنا کے سابق چیئرمین 68 سالہ لیو لیانج نے اپنے بیٹے کی منگیتر سے رشتہ ختم کروا کر پھر اس لڑکی سے چوتھی شادی کر لی۔ چینی میڈیا کے مطابق، لیو لیانج نے اپنی پہلی بیوی کو طلاق دینے کے بعد دو کم عمر خواتین سے شادیاں کیں اور آخرکار اپنے بیٹے کی منگیتر سے شادی کر لی۔ 2023 میں بینک آف چائنا کے پارٹی سیکرٹری کے عہدے سے ہٹائے جانے کے بعد، لیو لیانج نے اپنے بیٹے کو اپنی گرل فرینڈ سے تعلق ختم کرنے پر راضی کیا اور پھر اس لڑکی سے شادی کر لی۔
جب لیو لیانج کے بیٹے نے اپنی گرل فرینڈ سے شادی کی خواہش ظاہر کی تو لیو نے اس کے بجائے اس لڑکی سے اپنی شادی کے لیے منصوبہ بندی شروع کر دی۔ اس کے لیے لیو نے سب سے پہلے اپنے بیٹے پر جھوٹے الزامات عائد کیے تاکہ وہ لڑکی سے دور ہو جائے، پھر بیٹے کو اپنے دوست کی بیٹی سے ملوایا اور اس کے ساتھ دوستی بڑھائی۔ بعد ازاں، اس نے اپنی منگیتر کو مہنگے تحائف بھیجے اور چوتھی شادی کے لیے راضی کیا۔
اپنی منگیتر سے علیحدگی کے چھ ماہ بعد، لیو لیانج کے بیٹے کو یہ خبر ملی کہ اس کی سابقہ منگیتر اب اس کی تیسری سوتیلی ماں بن چکی ہے، جس کے بعد وہ شدید ذہنی دباؤ کا شکار ہو گیا۔
